Amerlanerit inuusuttunut ilinniarfinni ilinniakkanik aallartitsipput
2015-imi Kalaallit Nunaanni aammalu Kalaallit Nunaata avataani inuusuttunut ilinniarfinni ilinniakkanik aallartitsisut 1.732-usimapput. Tamanna 2006-imut sanilliullugu malunnartunik amerleriarneruvoq, tassani inuusuttunut ilinniarfinni aallartittut 1.180-iummata. Agguaqatigiissinnerini ilinniarnerit aallartinneqartut sumiiffiini annikitsumik allanngortoqarsimavoq. 2016-imi 96 procentit Kalaallit Nunaanni inuusuttunut ilinniarfinni aallartissimapput, 2015-imili agguaqatigiissinnerat 91 procentiusimavoq.
Titartagaq 2.1. 2006-imit 2015-imut ilinniarnerit aallartinneqartut
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDNISC11A).
Ataani takutinneqarpoq ukiuni 2013-imit 2015-imut Kalaallit Nunaata ilinniarnertuunngorniarfiini sisamaasuni ilinniarnerit aallartinneqartut amerlassusaat. 2014-imi ilinniarnerit 765-iullutik amerlanerpaagallarput 2015-imi 707-inut naleqqiullugit.
Titartagaq 2.2 2013-imit 2015-imut Kalaallit Nunaanni ilinniarnertuunngorniarfinni ilinniarnerit aallartinneqartut
Nalunaarut: Niuernermik Ilinniarfik Qaqortumi ilinniarnerit (Niuernermik Ilinniarfik Qaqortoq) 2013-imi Campus Kujallermiipput.
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDNISC11E).
Ukiuni 2013-imit 2015-imut Campus Kujallermi aammalu Teknikimik Ilinniarfik – Sanaartornermi ilinniarfimmi ilinniarnerit aallartinneqartut missiliorlugit 120-usut aammalu 133-usut allanngorarpallaarsimanngillat. Qeqqani Ilinniarnertuunngorniarfimmi amerlanerpaasimapput. 2014-imiilli 2015-imut ikileriarsimallutik. Assinganik aamma Avannaani Ilinniarnertuunngorniarfimmi ikileriarsimapput, 2015-imilu atuarfimmi 200-t ilinniarnernik aallartitaqarsimapput.
Ataani takutinneqarpoq 2015-imi Kalaallit Nunaanni inuussutissarsiornermi ilinniarfinni ilinniarnerit aallartinneqartut 872-iusut agguataarneri.
Titartagaq 2.3 2015-imi Kalaallit Nunaanni inuussutissarsiornermi ilinniarfinni ilinniarnerit aallartinneqartut
Nalunaarut: Allani pineqartut tassaapput Upernaviarsummi Nunalerinermik Atuarfik, Kalaallisuuliornermik Ilinniarfik, Eqqumiitsuliornermik Ilinniarfik aammalu Danmarkimi atuagarsortut.
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDNISC11E).
2015-imi Kalaallit Nunaanni inuussutissarsiornermi ilinniarfinni ilinniarnerit aallartinneqartut Teknikimik Ilinniarfik – Saviminilerinermik Ilinniarfimmi ilinniarnerit 157-iullutik amerlanerpaasimapput. Campus Kujalleq aammalu Teknikimik Ilinniarfik – Sanaartornermik Ilinniarfik 108-nik ilinniarnernik aallartittoqarsimapput, Perorsaanermillu Ilinniarfik 106-inik allartittoqarsimalluni.
Amerlanerit ilinniarnertuunngorniarluni ilinniarfinni naammassipput
2015-imi ilinniarnerit naammassineqartut 830-upput, 2006-imi ilinniarnernut naammassineqartunut 479-inut sanilliullugit marloriaatingajaallutik.
Ilinniarnerit naammassineqartut 830-usut 55 procentii inuussutissarsiornermi ilinniarfinninngaanneerput.
Titartagaq 2.4. 2006-imit 2015-imut Kalaallit Nunaanni aammalu Kalaallit Nunaata avataani inuusuttunut ilinniarfinni ilinniarnerit naammassineqartut
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDNISC11D).
Ataaniipput 2015-imi inuusuttunut ilinniarfinni ilinniarnerit naammassineqartut nunap kommuniinut sisamanut agguaallugit.
Titartagaq 2.5. 2015-imi Kalaallit Nunaanni inuusuttunut ilinniarfinni ilinniarnerit naammassineqartut
Nalunaarut: Ilinniarnerit atuarfinni nalunaarusiaqanngitsut aammalu Danmarkimi atuagarsortut titartakkami ilaatinneqanngillat.
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDNISC11H).
Kommunit ataasiakkaarlugit isigissagaanni Kommuni Kujallermi aammalu Kommuneqarfik Sermersuumi agguaqatigiissillugu inuussutissarsiornermi ilinniarfinni ilinniarnerit naammassineqartut 58 procentiullutik aammalu 67 procentiullutik annertunerpaapput. Qeqqata Kommuniani aammalu Qaasuitsup Kommuniani agguaqatigiissillugu ilinniarnertuunngorniarfinni ilinniarnerit naammassineqartut 58 procentiullutik aammalu 63 procentiullutik annertunerpaapput.
Ataatsimut isigalugu
Piffissami 2011-mit 2015-imut ilinniarnertuunngorniarfinni ilinniarnerit naammassineqartut 1.662-iusimapput inuussutissarsiornermilu ilinniarfinni 2.000-iusimallutik.
Takussutissaq 2.1. Piffissami 2011-mit 2015-imut Kalaallit Nunaanni inuusuttunut ilinniarfinni ilinniarnerit amerlassusaat, ilinniarfinnut agguaallugit
|
2011 |
2012 |
2013 |
2014 |
2015 |
Ilinniarnertuunngorniarfiit |
|
|
|
|
|
Aallartinneqartut ............ |
620 |
647 |
644 |
765 |
707 |
Ingerlatsisut ................ |
1.152 |
1.223 |
1.214 |
1.232 |
1.228 |
Unitsinneqartut ............. |
240 |
262 |
320 |
375 |
365 |
Naammassineqartut .......... |
297 |
314 |
333 |
372 |
346 |
Inuussutissarsiornermi ilinniarfiit |
|
|
|
|
|
Aallartinneqartut ............ |
925 |
857 |
812 |
855 |
872 |
Ingerlatsisut ................ |
1.351 |
1.250 |
1.200 |
1.183 |
1.164 |
Unitsinneqartut ............. |
460 |
557 |
475 |
469 |
457 |
Naammassineqartut .......... |
375 |
401 |
387 |
403 |
434 |
Nalunaarut Naatsorsuutit tamarmik ”ukiup naanerani”-nngaanneerput. Malugiuk, inuk ataaseq eqimattani arlalinni ilaasinnaammat ukiumi ilinniakkamik aallartitsiffiusumi pineqartumi, assersuutigalugu aallartinneqartuni aammalu ingerlatsisuni. Taamatuttaaq inuk ataaseq aallartinneqartuni unitsinneqartunilu ilaasinnaavoq, pineqartoq ukiup ingerlanerani ilinniakkami ataatsimi arlalinniluunniit taama inissisimasutut allassimappat.
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDNISC11E, http://bank.stat.gl/UDNISC11F, http://bank.stat.gl/UDNISC11G aammalu http://bank.stat.gl/UDNISC11GH).
Ukiut ingerlanerini Kalaallit Nunaanni ilinniarnertuunngorniarfinni ilinniarnerit amerlassusaanni tamani amerleriartoqarsimavoq, 2015-imi annikitsumik ikileriartoqarpoq ilinniarnerillu aallartinneqartut ikileriaateqarnerusimallutik. Ukiuni kingullerni Kalaallit Nunaanni inuussutissarsiornermi ilinniarfinni ingerlatsisut ilinniarnerillu unitsinneqartut amerlassusaat ikileriarsimapput, ilinniarnerilli aallartinneqartut aammalu naammassineqartut amerlassusaat annikitsumik amerleriarsimallutik.